قفشات-قفشه حب-قفشه حزن- اشعار غزل-قفشه عتاب


الملاحظات

منتدى الشعر الشعبي العام - ابوذيات - دراميات - قفشات - poems تجد هنا مختلف الوان الـ شعر الشعر العام - قصائد - ابوذيات - دارميات - قفشات .. والمزيد

اخر الاخبار :

منتدى الشعر الشعبي العام - ابوذيات - دراميات - قفشات - poems, قفشات-قفشه حب-قفشه حزن- اشعار غزل-قفشه عتاب قفشات-قفشه حب-قفشه حزن- اشعار غزل-قفشه عتاب مرحبا ملوك ملكات اداريين اعضاء زوارنه الكرام اليوم حبيت اسوي موضوع عن ماده شعريه جديده نوع جديد غزى ...
عدد المعجبين1615الاعجاب
إضافة رد
المشاهدات 520457 التعليقات 2142
 
LinkBack أدوات الموضوع انواع عرض الموضوع
قديم 2012-03-25   #1

وتر الحب الحزين

من المؤسسين
ضيف شرف

وتر الحب الحزين غير متواجد حالياً

اوسمتي

O3 قفشات-قفشه حب-قفشه حزن- اشعار غزل-قفشه عتاب



قفشات-قفشه حب-قفشه حزن- اشعار غزل-قفشه عتاب
قفشات-قفشه حب-قفشه حزن- اشعار غزل-قفشه عتاب



مرحبا ملوك ملكات
اداريين اعضاء زوارنه الكرام
اليوم حبيت اسوي موضوع عن
ماده شعريه جديده
نوع جديد غزى كل صندوق وارد في اجهزه الموبايل
فقره شعريه مستحدثه
احبت لسهولتها
ولتكامل صورتها الشعريه
فصارت حديث العشاق
وطبق العتاب الرئيسي
خصوصا لدى العراقيين
يتكون من صدر وعجز واحد فقط
غير مربوط بقافيه محدده
والشائع ان يكون العجز على صيغه سوال
هذا النوع من الاشعار يسمى بــ القفشه
وساجمع من ما يقدرني الله عليه من القفشات
واجعلها بين يديكم
وسيكون هذا الموضوع متجدد عن طريق الردود
واتمنى من كل عضوو يشارك بالرد انت يكتب قفشه ويا الرد
او يختار القفشه الي تعجبه وينزلها ويا الرد
حتى العضو او الزائر يستمتع بالموضوع ويقره كل صفحات الموضوع بدون اي ملل
واتمنى من الادارين ان يساعدونه من الناحيه الاداريه بتثبيت الموضوع
او ارشفته


والعضوه الاموره فــرح


على مساعدتهم الي بالموضوع من خلال تزويدي بالقفشاات
والكم بعض القفشات
الي باللووووون الاحمر هاي من كتاباتي طبعا


واتمنى ان ينال اعجابكم



انا عيوني قطار ودمعي ركاب
كلها تصيح نازل من الاكيك
::::::::::::
ضيعني ألزمن ضيعت يتيم أبسوك : شماطخ بعبايه يكول هاي أمي
::::::::::::
الساعة لازم توكف ابيوم التروح .
وية غيرك ما اريد اصرف وكت

لأن ماعندي صوره وياك بالبيت :جومت المكان البي كعدنه..
::::::::::::
سكف راسي يخر من رحت لليوم
ينكط ذكرياتك ذكرة ذكرة
::::::::::::
غالي ابغلات الماي !مو هسه بالطف.
::::::::::::
انه عيوني جهال وشوفتك عيد
تعال شبيك خل تفرح جهالي_
::::::::::::
انه جروحي غدت كد انبياء الله
وين الكه محمد حتى يختمهن
:::::::::::

يكولون الحلم تفسيره مكلوب
شفتك بالحلم جن انت رايح _
::::::::::::
بسم الله الرحمن الرحيم
(وبشر القاتل بالقتل ولو بعد حين)
الهي انته الكلتهه وماعليهه شكال
الهي العوز يكتل ماتجي تكتله
::::::::::::
انه بعدك عاجر بنص امهات
وصار موضوع السوالف عالطفل
::::::::::::
احس روحي طفل ماشايل فلوس
وانت منين ماعاين دكاكين
::::::::::::
لان حلوات كل افعالي وياك
مابيهن ملح حقك عفتني
::::::::::::
ماحب الدمع لو جف بلعيون
اخاف انسه البجي ويرتاحن عيوني
::::::::::::
كريات البدمي كلهه بيضاء
لأن بجفاك دم البيه شايب
::::::::::::


::::::::::::
ياحضره عشك بيك الجروح تطوف
انطي مراد خل يلتمن جروحي
::::::::::::
كبل سنتين شفتك بالحلم جيت
لحد الأن مافاتح عيوني
::::::::::::
انه رديت جثه بيوم لوداع
ظلت روحي بيدك من حضنتك
::::::::::::
فصلنه الخبز دشداشه للعيد
واكلنه اردانه وما عيدينه
::::::::::::
اكل مني غيابك حتى العظام جا كلي من اموت اشياكل الدود.
::::::::::::
الك بيه عشك خلاني مجنون
عكس حبك الي خلاك عاقل
::::::::::::
بصابيعك بقايه اسنين مكتولات هاي اسنيني كتلك عود داريهن
::::::::::::
انته ترجيه وأذن انا صفيت بيه تجرح لاكن محليني
::::::::



من كد ما صفنتي اطول مرات
على اجتافي بنت عش العصافير
::::::::::::
شيب واهسي من كد الفراك
وحدب شوف عيني وانت ماجاي
::::::::::::
آنه همومي بيت وجرحي صار الباب
لاتدك الباب جف ايدك ملح
::::::::::::
رايد احضنلي كبر وابجي عليه
حتى لو يطلع كبر جتال ابوي
::::::::::::
جيب اخيوط لا تمسحها بجفوف عندي عيون كامن يبجن جروح
::::::::::::
اتمنى الف اصبع شايله الايد
لان شايل ندم مو مال اعض خمسه
::::::::::::
ادور بلدروب البيهه حاجي وياك
بلكت كلمه منك طايحه اسمعها
::::::::::::
شيسد حلك الفراغ العفته بجفاك
شكثر وكلته ناس وبعده جوعان


::::::::::::
الشمع لو ما يعاشر خيط ما ماع
اضل هيج احترك كل ما الاكيك
::::::::::::
حسبتك رقم من لمعه البيك
وين ادري الصفر هم ينطي لمعه
::::::::::::
خيطت الشفايف خاف چلمه اطيح
شكثر شايل حچي الملكاك حظرته
::::::::::::
ربي موتخلق بشر من التراب,, ربي صرت تراب رجعني بشر,,
::::::::::::
مو كلمن يفارك كالوا يموت
انت بصفي كاعد وانه ميت
::::::::::::
انه احبك منذ اقدم العصور
واشتهيتك من چنت يم الله طين
::::::::::::
صدكني بغيابك ابقى محتار
مثل اخرس يريد ايعايد امه
::::::::::::
كتبتلك ذكره احبك شككتهه شبيك
انه حته الاكرهك محتفظ بيهه


::::::::::::
بخاصرتي الزمن سجينه حطله وراح
كلي بشاربك ماريدهه ازنجر
::::::::::::
علي مرن مصايب كلهن اثكال
اعتبر نفسك مصيبه ومر عليه
::::::::::::
انا جروحي أصبحت مثل ألبراكين
كلما يهدى واحد ينفجر ثاني
::::::::::::
تحركني بقصد ماتدري طبعي بخور.
كل ما احترك انرغب بعد اكثر
::::::::::::
نفط و دموع الك رشيت الهدوم؟
فرحني اوتعال بعود شخاط؟
::::::::::::
وانه نايم عيني فاضت بلدموع~
لاتجيني بطيف ابلل طيفك~
::::::::::::


اذا رايد تجيني بحلم فد يوم~
وديلي خبر حته ابقى نايم~
::::::::::::
لأن شفتك رجيج وباب موكد ريح~
ماتعبت اديه برجلي سديتك~

على سجت الخاطر فات هجرك ريل~
ماظل بيه خاطر خاطر اتكسره~


الليل اشكد خبيث بسرعه يكظي وياك~
وشطوله يصير وانته ما موجود~


روحي مابيهه عشك خلص عليك~
منين اجيبلهه اذا رادت تحب~



كال اكشخ وجيك ونلتقي اهناك~
اجاني النوب مهتم لابس الموضوع~


اعيوني صوت وبس تروح ابجي حجي


شكد هيبه النخل تننظرب بي امثال--بس ذله السعف من صار مكناسه--:

كل دمعه بغيابك تترك آثار--
يسألوني واكلهم شامه بيظه--

أضن اهلي درو من شفتك بطيف-لذلك من نمت محد ندهني-


تدري انته بغيابك ياهو مشتاك--
محمد عبدو حاجيهه--الأماكن--


حان الآن موعد الله وياك-
حسب شلعان كلبي وكثرت النوح--


جبت عمري لطم ودموع واحزان--اظن متنسيه امي بيوم عاشر--


مو مثل البشر من ابجي دموع--الناس تذب دمع وآنه ابجي حسره--


الماخذك مني سبع لكن غشيم
ماقره على شفايفك بوساتي؟


الشامه ذيج البلنحرشمهه الغريب
غيري ما يندلهه لو دليته.


ضليت بحياتي تصول وتجول
مثل ما ميسي سايك عالنوادي



أنه نحات اعمى وأنحت بتمثال؟أسويله نضر وعيوني
وعيوني فاكدهه@


اشك انه بصيامي من تمر بيوم
لان بعدك اضل بروحي اكل


اليبوك هدومي مني ما أحسن بي
لان انت اعله بالي الستر مو وكته


وصل حد الكرم يابو الحسن وياك
.لحد الان بيرك مانشف ماية.


صاير ارفع ايدي من اشوفك جاي
لاتصدك معزه اعتبرك اجنازه



مو دوم الاسم مضمونه بي تلكا
محد لاكي ورده بكوكب الزهره


كبر جرحي وبعد متفيده لخيوط لذالك كمت اشدنه بسلاسل


ماتجيني براحتك بس راح اجيك؟
حتى من الكاك نتفارك سوى؟


ياهو كلك بابي مفتوح لهواك؟
وانت تدري من الفقر ماعندي باب؟


كل خطوه برحيلك مني تاخذ عام
ابعد والتفت تلكاني شايب


انه عندي يتامى اتحب شهر رمضان
مو لعيونه بس امتانيه الفطرة.


لان بيهه عطر من شجره التوت
البلابل غردت فوك التوابيت


علي بجفه ابد ما نلكه بصمات
مسحهن كلهن بروس اليتامى



جروح ازغار عندي وجيتك عيد
لان ماجيت ما لعبن مراجيح


قررت احب اخرس ولسبب معروف .لأن ياهو الأحبه ابكلمه يجرحني


حلفتك يكلبي بدم الحسين
لاتحجي البكلبك يهجم بيوت


يوم موادعك جن حمزه من طاح شتضن ضل واهس بفلم الرساله؟


انه صفناتي صارن مثل الاصنام
وين الكه الاسلام حتى يهدمهن


بسم الله الرحمن الرحيم
وَأَكْثَرُهُمْ لِلْحَقِّ كَارِهُونَ
صدق الله العظيم
ولك هسه عرفت ليش انت تكرهني

(هاي كتبتها براس السنه)
سئلوني عن حلمي بعامي الجديد
كتلهم ادفن احلام السنين الي مضت

وهاي لموقف صار ويا امراه
بسم الله الرحمن الرحيم
ان كيدكن عظيم
صدق الله العضيم
حذرنا الجليل بلفظه الكيد
خطيه الكيد اقفر من عمايلهن


وهاي بعيد الام
بكلب امي شالكه حاير بهاي اذا جوه رجليها جنه موجوده
يتبع باذن الله


حبايب مثل موصيتكم كل رد اريد ويا قفشه حتى نجمع اكبر عدد من القفشات بهذا الموضوع
والي ماعنده قفشه يكتب اكثر قفشه عجبته بالموضوع
وودي




مواضيع ذات صلة ..:



أكتب تعليق على الموضوع مستخدماً حساب الفيس بوك

تسهيلاً لزوارنا الكرام يمكنكم الرد ومشاركتنا فى الموضوع
بإستخدام حسابكم على موقع التواصل الإجتماعى الفيس بوك




اقتباس
قديم 2012-03-25   #2

أتعـبني غيـأابكــ

أتعـبني غيـأابكــ غير متواجد حالياً

اوسمتي

افتراضي




تسلم يمنااك ع الشعر

في انتظار جديدك

تقبلي اطلالتي

ودي







التعديل الأخير تم بواسطة أتعـبني غيـأابكــ ; 2012-03-25 الساعة 09:22 PM

اقتباس
قديم 2012-03-26   #3

وتر الحب الحزين

من المؤسسين
ضيف شرف

وتر الحب الحزين غير متواجد حالياً

اوسمتي

افتراضي



قفشات حب قفشات حزن قفشات عتاب

وهذي باقه جديده من القفشات اقدمها بين يديكم واتمنى تنال اعجابكم



ربي مو عندك ملك ياخذ الروح ليش ترضى انسان ياخذ روحي

يوم تطوى كطي السجل .. !
لون ماتت كاعنا بيا كبر تلم ؟!

فكري بطل وحزامه اسود اشنصعة
اذا بالشمس حظي طلعتله قطعة

حكني جفي وكالوا اتسالم حبيب ارد اسالك عالتحكه اشفايفه ؟؟

على باكيت الجكاير تلكه تحذير ... !!!!!!
واخوك بهــ ألوكت يتعاجز ينصحك

خوية اريدك تعذرني بعد ماجيك
انة ابيا حال والدفان يغمزلي


خرب عرض الفراك شكد عليه ذوق
ما يختار بس ناس العزيزيـــــــــــن


هجرك موجرح سوالي حته اخفيه

بيه جروح صارن فوك الهدوم

يسئلوني اشعجب شو ماكو وياك
اشك كلبي واكلهم هذا موجود






اقتباس
قديم 2012-03-26   #4

وتر الحب الحزين

من المؤسسين
ضيف شرف

وتر الحب الحزين غير متواجد حالياً

اوسمتي

افتراضي






غلط سموها قمة وكلشي ميعرفون...
بس قمة جمالك تنحسب قمة...


اذاتجرحني رايد وره القمه ارجوك العرب ماريدهه تناقش قضيتي




لحكني العوز حد ما كطع جفوف
ورغم كل هذا ابد ما دنكتله....







ان شاء الله راح انزل الكم قفشات مصوره






اقتباس
قديم 2012-03-26   #5

وتر الحب الحزين

من المؤسسين
ضيف شرف

وتر الحب الحزين غير متواجد حالياً

اوسمتي

افتراضي




اخو امي الحزن وشلون امحيه
وثلثين الولد يطلع على الخال...







(يالمنطيني ضهرك عادي الله وياك_بس سولفلي وجهك المن انطيته)











اقتباس
قديم 2012-03-26   #6

وتر الحب الحزين

من المؤسسين
ضيف شرف

وتر الحب الحزين غير متواجد حالياً

اوسمتي

افتراضي



قفشات قفشاات قفشه قفشة


أتى شخص الى قبر اخيه ومعه كيس من الدعابل..

وقــال لــه....

.اذا متريدني وما تلعب وياي

... اخذ مالاتك وفك الشراكه...!!




والثاني كتب على هاي الصوره وكال
يمي وياي كومي نروح للبيت.....
دخيلج مرت ابويه تريد تكتلني؟؟






اقتباس
قديم 2012-03-26   #7

وتر الحب الحزين

من المؤسسين
ضيف شرف

وتر الحب الحزين غير متواجد حالياً

اوسمتي

افتراضي



قفشات هزليه

ههههههههههههههههههههههههههههههههههههه
ام كبيره بل سن تريد من ابنها ان يشتري لها سياره شوف شكالتله

انه امك احميد موش ياهو الجان
بعدني بحيلي يمه اورايده اوباما
......






مو انتة احلفت متخون وياي ؟؟... الله اعليك هم ادفعت كفارة ؟!!!
.







اقتباس

تستطيع نشر الموضوع في هذه المواقع بالضغط على ايقونة الموقع المراد النشر فيه .

الكلمات الدلالية (Tags)
قفشات-قفشه حب-قفشه حزن- اشعار غزل-قفشه عتاب

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 11:57 AM.

اضغط اعجبني

Powered by vBulletin® Version 3.8.7
Copyright ©2000 - 2014, Jelsoft Enterprises Ltd.
Search Engine Friendly URLs by vBSEO 3.6.1 ©2011, Crawlability, Inc.
يمنع نشر اي كراك او انتهاك لاي حقوق ادبية او فكريه ان كل ما ينشر في منتديات حبيبي يا عراق هو ملك لاصحابه

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107