اضحك مع شلش ( راح تموت من الضحك )


الملاحظات

منتدى التحشيش والنكات - تحشيش عراقي تجمع حشاشة حبيبي يا عراق ، قسم النكات والضحك..

اخر الاخبار :

منتدى التحشيش والنكات - تحشيش عراقي, السلام عليكم طبعا الي يريد يضحك من كل كلبه يقره من اول كلمه لاخر كلمه لات راح تموتون من الضحك ولتتعاجز لان كلش حلوه إلى فخامة السيد رئيس الجمهورية ونائبيه ...
إضافة رد
المشاهدات 2713 التعليقات 25
 
LinkBack أدوات الموضوع انواع عرض الموضوع
قديم 2008-11-25   #1

الــعـــمـده
عضو راح ينفجر

الــعـــمـده غير متواجد حالياً
اضحك مع شلش ( راح تموت من الضحك )



السلام عليكم

طبعا الي يريد يضحك من كل كلبه يقره من اول كلمه لاخر كلمه

لات راح تموتون من الضحك ولتتعاجز لان كلش حلوه



إلى فخامة السيد رئيس الجمهورية ونائبيه
إلى دولة رئيس الوزراء ونائبيه
إلى أصحاب المعالي الوزراء
إلى السيدات والسادة أعضاء البرلمان
طيح الله حظكم شلع بلا استثناء والي بيده المحبس يصيح بااااااااات
ضايج ، دايخ ، مسطور ، طالعه روحي ، افلونزه بلعظم ، كاتلني الهم والقهر ، غاز ماكو بالبيت ، الماي احسه مال مجاري مو ماي صالح للشرب ، يا جماعة اشعر انهم يبوكون الكلور وما يصفون الماي ، راسي يطلع دخان بعد ما بطلت اعمدة التكرير في مصفي العراق, ادخن وليش التكرير عيوني اشو النفط الخام اسهل بالبوك والتصدير ولحد يكلي ليش تسبني ولحد يصير اخو خيته ويدافع عنهم واتقوا شر شلش اذا غضب يا قشامر ..

هواي امور من حولي تخليني اشعر انكم تعاملوني كحيوان ، لان انتم تاخذون رواتب وما تقومون بواجباتكم ، يعني بالعربي الفصيح او الفارسي الفصيح انتم تضحكون على الشعب ، او بالاحرى الشعب يعرف بيكم جذابين ويجي يوم ويطيح حظكم ، صبرنه يوم يومين سنه سنتين وكلنه بلكي تتعدلون بلكي تشبعون بوك وتلتفتون للشعب، احفاد احفادكم راح يعيشون اغنياء واحنه كلاص ماي مثل البشر ما شاربين ، حتى السب والشتيمة مستكثيرها علينه ، يا اولاد (........) هاي لخطارج خولة العراقية مو تكلين لا تشتم بطلت اشتم ...

حتى كتابة مقال صارت عندي معضلة ، لان حاسبتي مليانه فيروسات جتني من الاخوه الأعداء (النواصب والروافض ) على حد سواء في محاولة لقرصنة اميلاتي المسكينة ، جا شكد انتو مطفيين وقشامر ومتخلفين يعني قرصنتوهن شنوا لمشكله وين المعضلة ، اشو العم yahoo،الاخ hotmail والحجي gmail وغيرهم كثيرون عارضين خدماتهم مجانية وكل العالم الافتراضي السحيق تحت رعاية أمريكا ولو المهيب الركن اوباما حسين حفظه الله ورعاه يريد يلكاني ينبش عليه الثورة ويطلعني لو حتى اتلفلف بعمامة الحكيم ، او اصير احد دعائم مكتب السيد الشهيد الذي البسوه ثوبا غير ثوبه وهو بريء مما يفعلون الى يوم الدين واني احلف عنه وهو بقبره الشريف..

والاخوة المقرصنين المطفين مضعين وقتهم وي واحد ما راح يلكون باميلاته غير مراسلات وي فلان وعلان وسب وشتايم وتهديد وكلها تخص شخص او شبح يدعى (شلش العراقي) ، يعني لو بيهم خير جماعة البولوني والعبيدي كان قرصنوا اميلات من باعوا العراق وقبضوا ثمنه ، اخر واحد جنت اتصور عنده ميلشيات هو المشهداني جتني رساله تهديد عـ.... موقعه باسم انصار المشهداني واكثر من موقع رفض ينشر مقالي عن المشهداني الظاهر ان هذا المطفي هم يورق ، والله طاح حظ الزمان الشيخ العكروك على الرك ، وعلى رأي صديقي الفيلسوف المبجل علي السوداني عندما قال في دره المنثور وكلامه الموزون (احبتي المقهورين بلا حساب) انتهى الاقتباس من كلام استاذي الغالي علي السوداني..

اذن نحن مقهورين بلا حساب لسنا مغفلين ونحن نعي ان الولاء لجهتين صعب ومستحيل في عصر تقاطع المصالح ومن يتصور نفسه ذكي ويقول راح العب على الحبلين يضحك على نفسه قبل ما يحاول يضحك علينه والكلام موجه للكثير من السياسيين الشيعيه اصحاب الولاء الايراني الامريكا ، لذا فهم يكذبون على احداهما وربما يكذبون على الاثنين ولكن الشي المتأكد منه انهم يكذبون علينا والكثير من السياسيين السنه لديهم ولاء لامريكا واخر لقوى عربية سنية مثل السعودية او سورية او حتى لبلد الخمسة ملايين مجدي قلعة العروبة المخروبة وفرعونها الخفيف على راي قائدنا السابق ( طبعا جان قائدنا غصبا على كل هاي الشوارب الي جانت ترجف لما تشوفه واني اولهم ولو ما عندي شارب )..

وزير خارجية الكدعان يا جماعة ابو الفلافل يصف بغداد الحلوة بالمؤرفه ، بغداد قذارتها اطهر من وجهك العفن ولعنة الله عليك وعلى ذاك الدب المقامر (هوش يار)، ، يعني ولاء السادة المذكورين اعلاه لجيوبهم فقط ولا يصنف العراق ضمن لائحة اهتماماتهم الا عندما يتعلق الامر في تضخم ارصدتهم في البنوك الدولية ، هاي الاتفاقية الامنية الي صار نقاشها بالقنادر المدافعين عنها قابضين والمستنكرين ما قابضين هاي كل المشكل هاما مصلحة العراق فليست ضمن دائرة النقاش ..

وحتى لو خالتي صبيحة يشوف الجندي الامريكي .... لما تروح لسوق الحي تتسوك مو مشكله المهم السادة المسعولين والعلاسيين محافظين على لباساتهم المستوردة تحت حماية ابن العم سام القادم على دبابته البيضاء من مشرق الحرية المقلوبة رافعا لواء التحرير الذي ادخلنه حقبة مظلمة لن نخرج منها الا بقدرة قادر، الحكومة يا جماعة تجذب علينه والاحزاب تجذب علينه ورئيس الوزراء يجذب علينه ورئيس الجمهورية يجذب علينه الكل يجذب يختلفون في كل شيء ويتفقون بالجذب علينه ، يعني اني ما جاي افهم شلون الواحد ما يحمر وجه خجلا او احراجا عندما يجذب او يطير افياله او دينصورات مثل ما يصفها شباب قطاعنه في برلمان راس الركن (الشارع )..

ولكم استحوا شويه يعني اسوي بيكم كتاب الكاذبون على غرار البخلاء ولكم اريد واحد يحجيلي حجاية صدك بهل البلد ماكو مام جلال منا يكول هدفنا الحفاظ على كل العراق أمنا سالما وهو شاعل الدنية بكركوك واغتيالات ميلشيات الطلباني والطرزاني صايره بالجملة ، عمي نوري المالكي ادري بيك صاير وسط حانه ومانه بس شبيها لو تصير ديمقراطي وتحجي الي عندك وتكلنه الحكيم يضغط عليه لخاطر عيون ايران والزعطوط مقتدى لعبه بيد ايران والجعفري يحوك مؤمرات ومخلي سجينته بظهري حتى يرجع للكرسي عبالك هو ملك صرف لاشيقر وسلامة الخفاجي تحب ايران اكثر من العراق اشتعل ابو ايران هذا هم حظنا هسه لو احنه جيران السويد النرويج المكسيك عمي لو بالقطب الجنوبي ولا ايران ، كوم احجار ولا هلجار..

يعني بتلينه حوما ابتلينا اذا سعد ابن الوقاص كفخهم وكسر شوكة الفرس وفتحها للاسلام، عدهم ثأر تاريخي يا جماعة كل واحد منه يعتبروه ابن الوقاص او مثنى الشيباني ، اما صدام فكلتها وراح اعيدها للمره الاخيرة قاتل من اجل العرب واول من باعه العرب واحنه دفعنه ثمن حروب وحصارات ودفعنه بيها خيرة شبابنه وترملت نسوانه وتعوقت زلم ينشد بيها الظهر والي يريد يعرف العراق شكد ضحى بس عليه زيارة مدينة الذرى بالشرطة الرابعة ويشوف معاقين عرض صدر الواحد عبالك سد دوكان في شمال العراق أي شمال العراق وانعل ابو الي يكول كردستان..

أبطال ضحوا للعراق كراسي متحركة ما عدهم والعبيدي جاي يرسل ضباط هذا الوكت سفارات تكلف ملايين وما يكلف نفسه يستورد كم كرسي حديث بدل الكراسي المزنجرة مال الابطال الي فركو خشم ايران ، ثم والله الشعب العراقي شعب عجيب ، يعني شلون تريدون السياسيين العراقيين يخلصون للبلد وهم في جيوبهم اجندات يسعون الى تنفيذها ، وبعدين كل شويه وطالعلي واحد من العماميم او السدارات او العكل او الشراويل او ربطات العنق يسولفلي عن مشروع الوحدة الوطنية ، طيح الله حظكم كلنا نعرف ان الوحدة الوطنية في الواقع موجودة بين الناس ومفقودة عند السياسيين لان احنه شعب طيب..

ولكن للاسف ، السياسيين عدنه قردة، ولا احتاج الى برهان كي اثبت لكم انهم قردة ، المحاصصة ،التوافق ، الطيف العراقي ، مكونات الشعب العراقي ، التوافق السنية ،الائتلاف الشيعية ، التحالف الكردستاني ، فحص هذه المصطلحات ونبش قبورها يكشف لنا عن نوايا مريضة وطموحات شخصية ،فكل الشعارات التي قيلت لنا هي اكاذيب في اكاذيب وتفاهات في تفاهات وهذه المصطلحات كلها من اختراع السياسيين القردة ، ولكن عذرا للقردة لان القردة لا تاكل بعضها ولا تقتل بعضها الا نادرا بينما هذه الوجوه العفنه تقتل بلا رحمة ،يا الهي من اي طينة هؤلاء الذين يذبحون اطفالنا بدم بارد ؟ ثم يتحدثون باسم نبيك المصطفى وكتابك الكريم والمرجعية وال البيت مستغلين الاسلام كستار يخفي جرائمهم ، من اين جاوؤنا..؟ وكيف قست قلوبهم الى هذا الحد..؟

هل حقا أن هؤلاء من عراق التسامح والمحبة ؟ العراق الذي اذا تعثر على ارضه طفل قفزت له قلوب ابنائه يقيلون عثرته وهم يشهقون ( اسم الله عيوني ) ، عائلة تزور النجف يطلعولها الصكاكه بنص الطريق ويقتلوها حتى اخر رضيع وهم بالتاكيد ميليشيات يقودها مجرم طائفي حاقد وعائلة تجي زيارة لحي اور يعلسوها وره السده وهي بالتاكيد ميلشيات يقودها مجرم طائفي حاقد، ويمكن يتبادلون الادوار الي افهمه انهم يقتلون ونحن مقتولون..

ابتعادي المؤقت لم يكن استراحة ، فقلمي لا يعرف الراحة ، انما الاستعداد لمعركة كبرى مع كل من لا يحترم العراقيين ويضحك على عقولهم ويستبيح دماءهم ويسرق اموالهم ، في ختام اقول لمن يعتقد اني شلش اخر او شلش جديد او مبيوع القلم اقول لهم شلش هو شلش بس المرحلة اختلفت ولكل كاتب اساليبه بالشجب والاستنكار تتناسب مع المرحلة وهذه المرحلة مرحلة كلمات الدمار الشامل ، وسيكون لنا لقاء لن ينتهي الا بموتي او اعتدال ميزان الحكم الذي يراه العراقيين معووووج ومبيج من الصفحة ، على فكره علاوي صديقي تحول من مكتب السيد الشهيد الى سجن بالكاظمية يشرف عليه (بهاء الاعرجي) خوب هذا نائب بالبرلمان وعنده سجون سرية خوش طاسة وخوش حمام من رخصتج صوحيبتي* خولة العراقية طيح الله حظ هيج حكومة وكبل ما انسه وهيج ريس وهيج برلمان، هذا شلش العراقي يحييكم ويتمنى لكم اوقاتا طيبة وعاش العراق
· صوحيبتي مصطلح تعود ملكيته الفكرية للمبدع علي السوداني..



مواضيع ذات صلة ..:



أكتب تعليق على الموضوع مستخدماً حساب الفيس بوك

تسهيلاً لزوارنا الكرام يمكنكم الرد ومشاركتنا فى الموضوع
بإستخدام حسابكم على موقع التواصل الإجتماعى الفيس بوك




اقتباس
قديم 2008-11-25   #2

jupa
مشرف سابق

jupa غير متواجد حالياً
افتراضي



ههههههههههههههههههههههههههههه

هههههههههههههههههههههههههههه

ولك تدري عليمن اضحك ..؟

هههههههههههههههههههههههههههه
ههههههههههههههههههههههههههه

ع الموضوع شطوله

والخط احمر

وماكو فراغات بين الاسطر

تتوقع اكو احد راح يقراه

هههههههههههههههههههههههه



تحياتي الك
حبي غيوثي

تقبل مروري وازعاجي

لانك قافل التلفون





اقتباس
قديم 2008-11-25   #3

حبيبي ياعراق
مراقبه سابقه

حبيبي ياعراق غير متواجد حالياً
افتراضي



ههههههههههههههههههههههههههههه
غيوث موضوع لوشنو
تعبت من قرائته
بس فعلا والله خوش نزله
وزين يسوي لان متنه 2






اقتباس
قديم 2008-11-25   #4

الــعـــمـده
عضو راح ينفجر

الــعـــمـده غير متواجد حالياً
افتراضي



هههههههههههههههه

شكرا على المرور

ياس حبيبي مفتوح تلفوني

شكرا تارا على المرور

تحياتي





اقتباس
قديم 2008-11-25   #5

عشوقة بغداد
عضو مبدع

عشوقة بغداد غير متواجد حالياً
افتراضي



خخخخخخخخخخخخخخخخخخخ
عاشت الايادي
ياذوق





اقتباس
قديم 2008-11-25   #6

الــعـــمـده
عضو راح ينفجر

الــعـــمـده غير متواجد حالياً
افتراضي



منوره عشوقه





اقتباس
قديم 2008-11-25   #7

IRAQI.KING
مشرف منتدى عراقي بالمهجر

IRAQI.KING غير متواجد حالياً
افتراضي



هههههههههههههههه تصنيف وربي
عاشت ايدك عمده





اقتباس

تستطيع نشر الموضوع في هذه المواقع بالضغط على ايقونة الموقع المراد النشر فيه .

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 02:50 PM.

اضغط اعجبني

Powered by vBulletin® Version 3.8.7
Copyright ©2000 - 2014, Jelsoft Enterprises Ltd.
Search Engine Friendly URLs by vBSEO 3.6.1 ©2011, Crawlability, Inc.
يمنع نشر اي كراك او انتهاك لاي حقوق ادبية او فكريه ان كل ما ينشر في منتديات حبيبي يا عراق هو ملك لاصحابه

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107