ابوذيات..... للاصدقاء ولهيفاء الحسيني


الملاحظات

منتدى الشعر الشعبي العام - ابوذيات - دراميات - قفشات - poems تجد هنا مختلف الوان الـ شعر الشعر العام - قصائد - ابوذيات - دارميات - قفشات .. والمزيد

اخر الاخبار :

منتدى الشعر الشعبي العام - ابوذيات - دراميات - قفشات - poems, ابوذيات..... للاصدقاء عيوني من البواﭽـِي ركن والك حسرات بالدلال ركن أخبرنك عدوي اليوم ركن يباوع عالخلل هل بان بيه وهذا راحات وهومقتبس من بيت حسيني كما أعتقد راحات أعيوني من ...
إضافة رد
المشاهدات 12862 التعليقات 1
 
LinkBack أدوات الموضوع انواع عرض الموضوع
قديم 2010-11-30   #1

علي إبراهيم
محظور Banned

علي إبراهيم غير متواجد حالياً
Ehdaaa ابوذيات..... للاصدقاء ولهيفاء الحسيني





ابوذيات..... للاصدقاء

عيوني من البواﭽـِي ركن
والك حسرات بالدلال ركن
أخبرنك عدوي اليوم ركن
يباوع عالخلل هل بان بيه

وهذا راحات وهومقتبس من بيت حسيني كما أعتقد

راحات
أعيوني من البواﭽـِي أعليك راحات
وبعدك ماتمرني دوم راحات
الليل الـﭽنـانت أنه وياك راحات
بعد هيهات ميرﭽـن عليه

ثم قلت مع نفسي هذا لا يجوز وهذا القفل يقال لمن رحل عن الدنيا لا سامح الله وفيه يأس من رحمة الله فغيرت القفل


وقلت

أعيوني من البواﭽـِي أعليك راحات
وبعدك ماتمرني دوم راحات
الليالي الـﭽنـانت أنه وياك راحات
بعزم الله يردن هسه ....اليه

وقلت عشرات نعم عشرات من الأبوذيات لعلوان

فقلت

ولا ذان

بـﭽنـفاك أعيون ماظلت ولا ذان
وصرت مسمع نداء الله ولا ذان
يبو الـﭽنـلمات ماغثن ولا ذان
وعلى أﭽـِتافك شلت حته الوطيه






وكنت أقول لعلوان عندما رحل لبغداد (أكلب أذا ما تتصل بنا كل جمعه ففعل ذلك على عكس هيفاء فهي بخيلة جدا بالاتصال أو بكلفة الاتصال أو ربما وقتها ثمين)


اليس أنا الذي قلت في توديعه في بهو المطار


محافظ

ولوتترك غدن منصب محافظ
أعل صيتك مازلت صدﮒ محافظ
عكَب أسمك أسم واحد محافظ
وعكَب عينك شلي بالكاظمية

وطالب

الزمن تلميذ رجعني وطالب
أداعي بحكَي شو ضايع وطالب
لعيوس صار يحكمني وطالب
الجماعه وداعتـﭿ بس عنصريه

والاعلام


فخر كل العراق أنتي والاعلام
وكَلبي من عشـﮒ هوفه ولعلام والاعلام
وحك الواحد الأوحد والاعلام
أعز من روحي هوفه أنتم عليه



والاعلام


فخر كل العراق أنتي والاعلام
بجفاكم كل شي ما افهم والاعلام
بيارغ عز الــﭿ ننشر والاعلام
والـﭿ نكتب روائع من بوذيه





وفنك

أشعاري شما حـﭽـن لا تظن وفنك
صادق دوم وي ربك وفنك
احزر ليش احبنك وفنك
لان ربي دعيته وجيت اليه


وعاده


طبع بينه الوفه يشكر وعاده
وكَلبنه ماكره واحد وعاده
الفرح وصلك لنا رده وعاده
وداعا ياحزن ياهم يذيه





هبلنه

ربي اليوم أهداكم هبلنه
وحبكم عمي هيوفه هبلنه
عطرﭲ من بعد كيلو هبلنه
اليشمه يطيب من علته الخفيه





واشنطن


بجفاكم لشنق لروحي واشنطن
أو وشن بعض النسه اعليكم وشن--- طن واشنطن
كتلني الساكن بارضـﭿ واشنطن
وانه بلا كهرباء بالكاظمية



وعالي

أنازع من جفه هوفه وعالي
وكَلبهه أهوايه متاخر وعالي
نخيت الله ورسوله الله وعالي
رمز والهام هوفه أتظل اليه



وبالي

صرت بجفاﭲ ثوب انا وبالي
فدائي بموتي ما أهتم وبالي
الي جده التحب جدي --- وابا---الي وبالي
تحبه أمي مثل حبـﭿ اليه




وبالي



صرت بجفاﭲ ثوب انا وبالي
وغيرﭲ ماشغل فكري وبالي
بمحمد أنا داخلكم وبالي
محمد من شرور أهل البريه




واخيرا

الى اجمل راء في العالم تخرج من فم مولاتي الطاهره





ولا راء



أتابع دوم لافكارﭲ ولا راء
وعساه أجفاﭲ ما أشوفه ولا راء
لراءﭲ دوم ماتشبه ولا راء
فدوه أرجوﭲ عيدي الراء اليه





هيفا


الحياة بدونكم يازين هيفا
انعميت وصرت أشوف القاف هيفا
أهي نور وتطل عالنور هيفا
أديبه وراقيه وتحمل قضيه



ولاهاي

العكَل مالومه الا ينجن ولاهاي
حرت لاهاي تعجبكم ولاهاي
بجمالك ماكو بأمريكه ولاهاي
ولا منك شفت بالكاظمية


مرتي

أمر ولو كلافه تصير مرتي
وأحله من الغند لوجيت مرتي
تصيح الله لوطليت مرتي
لعد اني شصيح أبروح أبيه


ولانور

بجفاكم نار ما أميز ولا نور
أنعميت ولا ضياء أبصر ولا نور
بجفاك أقلام ما اكَلب ولانور
واطلـﮒ للحقايق جيدنيه






(أمريكه كون اتشيل ----- للكاظمية
هيوفه ياعلوان-----عنت عليه)
دارمي مقتبس




ولا أحذاي (ريفي بحت)

يهوفه أمريكا لا يمي ولاحذاي
بجفاﭲ الغاد ما أوجده ولا أحذي
أركضت مركوبي ما لحـﮒ ولا أحذاي
بناي أنتم يهوفه جيتو اليه





ولاحي


يهوقه أمريكا لابصره ولاحي
ولغيرﭲ لا سهر جفني ولا حي
بجفاكم لا صرت ميت ولاحي
طريح وبس بقه النكاد بيه




وقلعه
يهوفه أمريكا لا بصره وقلعه
بجفاكم كَلبي أشلعنه وقلعه
وزيري والملك أنت وقلعه
عراقي أنت وهلي والكاظمية



وشطره

يهوفه أمريكا لا قلعه وشطره
وقاسم بالراي شخصـﭿ وشطره
يهوفه أنت صدك حلوه وشاطره وشطره
وعليج اخلاق ومدوخه البريه





ولا سوﮒ

يهوفه أمريكا لا شطره ولا سوﮒ
بجفاكم لا جدم سالم ولاسوﮒ
الكم لا مثال أضرب ولا سوﮒ
الحر تكفيه أشاره وهاي هيه




وسومر

يهوفه أمريكا لا أريدو وسومر
وحبكم مندﮒ بكَلبي وسومر
من أرض بابل أحيلـﭿ وسومر
يهوفه لاتعطلي الرد عليه



ولامال

لغيرﭲ ماعشـﮒ كَلبي ولامال
عليـﭿ ولا ولد يغله ولامال
اليه أقبال ماهزت ولا مال
فقط أنت العملتي أفلاك بيه




ولا أقبال


اليمسـﭿ دوم ما أرضه ولا أقبال
أذا يحـﭽـي حـﭽـي بظهرﭲ ولا أقبال
اليه أمال ما هزت ولا أقبال
فقط هوفه التهزني أعله الوطيه




وراوي

مثل تفاح خد هوفه وراوي
واريد أكشف له أجروحي وراوي
لون تجمع الف شاعر وراوي
يهوفه مايوصفونـﭿ اليه



يازين

الك حب بدليلي أطنان يازين
يطيب ياذهب تيزاب يازين
دعموعي لاتظن اعليك يازين
ولك حسرات بينه أتهز ثنيه




وهابي
أشكثر أنا أحترم شخصـﭿ وهابي
وسهمـﭿ ها خطه لكَلبي وهابي
علي لوما سمعني أصبح وهابي
دعيته وكَتله يجمعنه سويه



وهابي

تدري أشكد أحب شخصـﭿ وهابي
وسهمـﭿ ها خطه لكَلبي وهابي
علي لو ما سمعني أصبح وهابي
دعبته وكَتله هوفه تصير اليه





والأعمار

يهوفه اكَلوب نفديلـﭿ والاعمار
أولعنه لاتظن مثله والاعمار
بعشكَنه لانسب يوكَف والاعمار
ولا عاذل يغير راي اليه





ولا ثار

عراقي أنتي الوطن أنتي ولا ثار
شريفه ولا حقد عندﭲ ولا ثار
مثل بركان هوفه أنتي ولا ثار
حمم ينزل على البيهم رديه


مارد

يكَلي رد كَلتله دوم مارد
وعكَب هوفه أبد للموت مارد
حبهم للكَلب والروح مارد
ومثل هوفه فلا مرت بليه

مارد
يكَلي رد كَلتله دوم مارد
ولو ترسل علي تسعين مارد
حبهم للكَلب والروح مارد
ومثل هوفه فلا مرت بليه


هامات

ترف روحي أشكثر بهواك هامات
ها حي الجسد بجفاك هامات
حلو لجلك تخطخ يازين هامات
الريس من يمر ياخذ تحية
الحاكم من يمر ياخذ تحيه


وصاله

حبيبي أشبيه علي كَاطع وصاله
وعليه دمعي ترس قاعه وصاله
بجفا ه هيفا متطربني وصاله
ونوال الزغبي متهز دوم اليه



وسري

كتابي عاجل وشخصي وسري
أحطن بيه الـﭿ كَلبي وسري
عشـﮒ الناس بالخفيه وسري
وأنه عشكَي علنته أعله البريه


وعاجل

كتابي سري وشخصي وعاجل
وعلى التعليق رد فوراً وعاجل
محسن ليش يتشمت وعاجل
سبع مرات ردت هوفه اليه


وشخصي

كتابي عاحل وسري وشخصي
والـﭿ فدوه جميع أهلي وشخصي
بيه أتمعني هوفه وشخصي
أطم روحي لون أعيوب بيه


وناجي

يهوفه بس اطلبيني وناجي
طول الليل أنه أدعيلـﭿ وناجي
اليحبكم فايز وناجح وناجي
بدنيه وآخره ميشوفه أذيه

وناجي

يهوفه بس اطلبيني وناجي
طول الليل أنه أدعليـﭿ وناجي
فراس الكاظمي يشهد لي وناجي
ذكركم مايفارﮒ دوم اليه
صوركم ماتفارﮒ لحظه اليه



سواده

عساه الليل ما بين سواده
أنعميت وصرت أشوفنهم سواده
حبيبي لايـﮒ أيخبل سواده
علي أحزن كَبل يوم المنيه


جنيت

ياليلي عليه أشبيك جنيت
يالبـﭽـيتك قهر وهموم جنيت
اخبرك من جفه هيفاء جنيت
أمسودن والفروخ اتطف عليه

أو

ونه أمسودن كَبل هاي القضيه



وساده

الحزن بعدك مله لكَلبي وساده
أمسودن ما كَرب راسي وساده
وسط يمه أنه أدعيلـﭿ وساده
المرض لو جاﭲ ريته يدير بيه

وعالي

مقامك مرتفع عندي وعالي
بجفاكم راسي أمكبل وعالي
نخيت الله ونبي الامه وعالي
يهوفه ماتمر بيـﭿ الأذيه



ولا دا

بجفاكم ذال ما أميز ولادا
حامل بالبوذيه أولد ولادا
عليل ولامرض بيه ولادا
عشـﮒ هوفه الكتلني وعم عليه


ودوله

نميمه عاجله لولفي ودوله
تهجم مية الف دوله ودوله
عشـﮒ هيوفه أمم اله ودوله
وأخليه الأمم تنحب عليه


ولاهل

لعطرك جوري لا يشبه ولاهل
وعليكم لا ربع تغله ولاهل
يهوفه أهلال عيد أنتي ولا هل
السعاده والفرح أتهل سويه



هيفاء

الحياة بدونكم يازين هيفا
(أي لا قيمة لها)
عميت وصرت أشوف القاف هيفا
(أي أني أرى القاف نقطة واحده)

أهي نور وتطل عالفيحاء هيفاء
(والفيحاء محطة فضائيه تكتب فيه)
أديبه وشاعره وتحمل قضيه


ولاهاي

العكَل مالومه الا ينجن ولاهاي
حرت لا هاي تعجبكم ولاهاي
جمالك لاهو بأمريكا ولاهاي
ولامنك شفت بالناصرية

ولاكَول

زماني لافعل عنده ولاكَول
عليه ولاهدف سجل ولا كَول
يهوفه لاشعر هزﭲ ولا كَول
كَرب موتي يهوفه أبـﭽـي عليه


وصيتك

طبيبي أيكَول كَوم أكتب وصيتك
يبو حسين أنتهى فلمك وصيتك
يهوفه كون طور أنتي وصيتك
وجرن بيـﭿ كل صبح ومسيه


ونعمه

يهوفه شوفتبـﭿ رحمه ونعمه
بجفاكم خاف نتكَرم ونعمه
لسيد أخضير أتعنه ونعمه
ويسيد رحمه ماتلحـﮒ عليه


ورحمه

يهوفه شوفتـﭿ نعمه ورحمه
والف رحمه على بطن أمـﭿ ورحمه
يسيد نعمه ماتحلحـﮒ ورحمه
شفت هوفه أنرميت أعل الوطيه

1- سيد خضير سيد جليل وله جاه كبير عند الله احرص على زيارته كل جمعة مقامه في مركز المحافظة خلف منشأة اور
2- سيد رحمه وسيد نعمه مقامهم في عشائر سوق الشيوخ
3- هؤلاء السادة يذهب لهم المحبين ويطلبون الزواج ممن يحبون أما أنا فأذهب لادعوا الله أن يرزقني بحج البيت واذا يصح الزواج هاي رحمه ونعمه بس من كَرايبي ومن عمري

09/07/2010


مواضيع ذات صلة ..:



أكتب تعليق على الموضوع مستخدماً حساب الفيس بوك

تسهيلاً لزوارنا الكرام يمكنكم الرد ومشاركتنا فى الموضوع
بإستخدام حسابكم على موقع التواصل الإجتماعى الفيس بوك




اقتباس
قديم 2010-12-01   #2

ŢĦΐŠ ΐŠ ₥ỵ Łΐ₣έ
!!!!

ŢĦΐŠ ΐŠ ₥ỵ Łΐ₣έ غير متواجد حالياً

اوسمتي

افتراضي



عاشت ايادي على الموضوع الرائع


تحياتي






اقتباس

تستطيع نشر الموضوع في هذه المواقع بالضغط على ايقونة الموقع المراد النشر فيه .

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 06:24 PM.

اضغط اعجبني

Powered by vBulletin® Version 3.8.7
Copyright ©2000 - 2014, Jelsoft Enterprises Ltd.
Search Engine Friendly URLs by vBSEO 3.6.1 ©2011, Crawlability, Inc.
يمنع نشر اي كراك او انتهاك لاي حقوق ادبية او فكريه ان كل ما ينشر في منتديات حبيبي يا عراق هو ملك لاصحابه

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107