موعد غرامي . قصة جميلة . (اعتذر لجميع البنات )


الملاحظات

منتدى الشعر الشعبي العام - ابوذيات - دراميات - قفشات - poems تجد هنا مختلف الوان الـ شعر الشعر العام - قصائد - ابوذيات - دارميات - قفشات .. والمزيد

اخر الاخبار :

منتدى الشعر الشعبي العام - ابوذيات - دراميات - قفشات - poems, تورطت واعدت وحده وساعه واگف بالشمس ها تجي ها ما تجيني احچي وي روحي بهمس وفات عالموعد هوايه وروحي انحمست حمس __ خابرتها وگلت وينچ روحي طلعت راح اروح اني ...
إضافة رد
المشاهدات 1530 التعليقات 8
 
LinkBack أدوات الموضوع انواع عرض الموضوع
قديم 2008-04-22   #1

الدليمى محمد
:: مؤسسين الموقع ::

الدليمى محمد غير متواجد حالياً
افتراضي موعد غرامي . قصة جميلة . (اعتذر لجميع البنات )



تورطت واعدت وحده وساعه واگف بالشمس
ها تجي ها ما تجيني احچي وي روحي بهمس
وفات عالموعد هوايه وروحي انحمست حمس
__

خابرتها وگلت وينچ روحي طلعت راح اروح
اني مو ناقص مشاكل گلبي ذاب من الجروح
گالت اصبر اني جيتك وحق سورة برى ونوح
__

وينچ انتي بأعلى صوتي اني وياها صحت
ساعه انتضرچ وحيل من الانتظار اني اتعبت
ضحكت وگالت حبيبي شبيك انته اتعصبت ؟؟؟
__

اني من عندك قريبه شويه بس اصبر عليه
راح تنسى انته كلشي من تحط ايدك بديـــه
گلت خل اصبر عليها حظي يمكن رحم بيه !
__

وبين ما اني انتظرها گمت اعيـــــــد بذكرياتي
شگد بنات مواعد اني وشگد شفت اّنه بحياتي
وأبــــد متذكرت وحــده حلـــوه وتحــقق مناتي
__

كـــــل بنات الواعدتهن غرني بس بيهن الصـــوت
ومن تجي وتگــعد گبالي چن عبــالك راح امـــوت
اتشاهد والبس ابيض واتخيل نار بيها وراح افوت
__

انجذب للصوت حيــــل واتخيلها ظلام وهي گمره
هــــذا حظي بكل حيــــاتي مانصح وياي مــــــره
احچي وأتعرف واصادق وماخذت من وكتي عبره
__

وگلت معقوله يامحمد حظك بهاي ايتجدد
ودگ عليّ جوالي گالت وينك انته يا محمد
كـَلت اني گبال عينچ انتي مو ام ثوب الاسود ؟
__

گالت اي . انته شفتني واني ما شفتــك يغـــــالي
گلـــــت اني عـن يمينچ وانتي صرتي عـن شمالي
بسرعه گالت شفتك اني انته لابس قميص برتقالي ؟
__

گلت الحمدلله شفتيني وبس وصلتي وعرفتيني
ومن اجــت گعدت بصفي گلـــــت وينچ كتلتيني
گالت بالشمس ما اطلع اني من گبل هذا روتيني
__

هي تحچي وياي واني ساكـــــــت ومصدوم حيـــــــــل
أتوقعتها حلــــــوه كلـــــش عيـــــون سوده وشفه هيل
بس يا حسافه خدها ظلمه لاگمر لا كهرباء والدنيه ليل
__

گلــــــت بيني وبين نفسي بلّــــشت هالبنت تچــــــذب
بس اني اعتب مـــــو عليچ عالگلـــــب لو ردت اعتب
ينتعش ويذوب صاير وعلى اصوات البنات ايدوخ ويحب
__

گالت احچي شبيك ساكت شو راح تفكيرك بعيد
گلــــت شحچيلچ شسولف روحي ما تقبل تهيد
ضحكت شويه بغرور وحسبتني بيها اتغزل واشيد
__

ما درت بالضيم اني وراح اموت من القهر
شلـــون اخلص منها اني جاي افكرلي بعذر
گلت احسن شي افضها روحي ما تحمل صبر
__

وبين ما اني افكر دگ عليّ جوالي اخـــــويه
ها دخيلك خويه گتله لازم احضر مات ابويه ؟
شو اخويه انگطع صوته گلت يمكن مات اخويه
__

موتت كل اهلي اني وما خلصت من البنت
گلت شلون يا ربي دخيلك بيها اني اتوهدنت
گمت اني وحيل ضايج وعلى ساس اتشنجت
__

گلت شفتي شلون حظي هذا اني من صرت
مره وحــده بكل حياتي ابــــد اني ما افرحت
روحي شوفي انسان ثاني وطلعت ما حاسبت
__

كيفت حيل وعبالك هسه طالع من سجن
ما حاسبت وهم اخلصت وراح ارجع مطمئن
وگلت توبه والف توبه بعد ما اصادق واحن
__

اسمعـــــوني يا شبـــــاب وأقرو كل الي كتبتــــه
هـــــذا هــــو الصار بيه وألكم اني هنــــــا سردته
ومن البنات اني اعتذر ومن كل گلب بقصتي جرحته .

تحىاتي القلبيه للجميع

محمد الفلوجي

:hello:


مواضيع ذات صلة ..:



أكتب تعليق على الموضوع مستخدماً حساب الفيس بوك

تسهيلاً لزوارنا الكرام يمكنكم الرد ومشاركتنا فى الموضوع
بإستخدام حسابكم على موقع التواصل الإجتماعى الفيس بوك




اقتباس
قديم 2008-04-22   #2

Bsrawya 4ever
عضو راح ينفجر

Bsrawya 4ever غير متواجد حالياً

اوسمتي

افتراضي




هههههههههههههههههههههههههههههههههه
بربي روووعة اقراها واني ميتة ضحك

ياربي يتعدل حظك هل مرة وتشوف البنت الي تتمناها
دائماا مبدع
سلمت يداك التي خطت هذه الكلمات الجميله

تقبل مروري حموجي ض22







اقتباس
قديم 2008-04-23   #3

الدليمى محمد
:: مؤسسين الموقع ::

الدليمى محمد غير متواجد حالياً
افتراضي





مشكوره سنونه على المرور الراقي

نورتي الصفحه والموضوع و صاحب الموضوع

تحىاتي القلبيه لكِـ ض22

محمد الفلوجي






اقتباس
قديم 2008-04-23   #4

SWAT
نـقـطـة !

SWAT غير متواجد حالياً
افتراضي



مشكوررررر حبي محمد على الموضوع الرائع والاكثر من ان يقال عليه رائع

نتمنا لك المزيد من الابداع والتقدم

تقبل مروري





اقتباس
قديم 2008-04-23   #5

حبيبي ياعراق
مراقبه سابقه

حبيبي ياعراق غير متواجد حالياً


هههههههههههههههههههههه
تستاهل حموقي صير عاقل مره ثانيه
وتسلم عيوني قصيده روعه

:hello:





اقتباس
قديم 2008-04-23   #6

الدليمى محمد
:: مؤسسين الموقع ::

الدليمى محمد غير متواجد حالياً
افتراضي



مشكور حبيب قلبي سوات
...................................

مشكوره حبيبي يا عراق

...............................

نورتوا الموضوع و صاحبه

تحىاتي القلبيه لكم

محمد الفلوجي






اقتباس
قديم 2008-04-26   #7

Bsrawya 4ever
عضو راح ينفجر

Bsrawya 4ever غير متواجد حالياً

اوسمتي

افتراضي









اقتباس

تستطيع نشر الموضوع في هذه المواقع بالضغط على ايقونة الموقع المراد النشر فيه .

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 01:57 PM.

اضغط اعجبني

Powered by vBulletin® Version 3.8.7
Copyright ©2000 - 2014, Jelsoft Enterprises Ltd.
Search Engine Friendly URLs by vBSEO 3.6.1 ©2011, Crawlability, Inc.
يمنع نشر اي كراك او انتهاك لاي حقوق ادبية او فكريه ان كل ما ينشر في منتديات حبيبي يا عراق هو ملك لاصحابه

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107